شمالی وزیرستان میں دھماکا، 2 سیکیورٹی اہلکار شہید

شمالی وزیرستان میں سیکیورٹی فورسز کی گاڑی پر ریموٹ کنٹرول بم دھماکے کے نتیجے میں 2 سیکیورٹی اہلکار شہید اور 3 زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے دتہ خیل میں سیکیورٹی فورسز کی گاڑی پر ریموٹ کنٹرول بم دھماکے کے نتیجے میں 2 سیکیورٹی اہلکار شہید اور 3 زخمی ہوگئے ہیں۔

ترجمان پاک فوج کے مطابق شہید ہونے والے اہلکاروں میں لانس نائیک مومن اور سپاہی سلیم شامل ہیں جب کہ زخمی اہلکاروں کو سی ایم ایچ پشاور منتقل کردیا گیا ہے۔