بھارتی کالج میں برقع پہننے پر پابندی

نئی دہلی: بھارتی میڈیا رپورٹس کے مطابق ریاست کرناٹک کے ضلع منگلورو کے بعد اب ہاویری ضلع کے کچھ کالجوں میں برقع پر پابندی کیخلاف مسلمان طالبات نے شدید احتجاج کیا ہے۔ احتجاج کرنے والی طالبات نے کہا کہ بی آر تمباکد نامی کالج شہر میں سب سے بڑا اور قدیم کالج ہے۔ یہاں بڑی تعداد میں مسلمان طالبات بھی تعلیم حاصل کرتی آر ہی ہیں۔ کالج کے آغاز سے ہی مسلم لڑکیاں یہاں برقع پہن کر آتی رہی ہیں۔ لیکن اچانک طالبات کو برقع پہن کر آنے سے روک دیا گیا۔ مسلم تنظیموں کا کہنا ہے کہ چند تنظیمیں کالجوں میں فرقہ پرستی کا بیج بو رہی ہیں اور صدیوں سے چلی آ رہی روایتوں کو اچانک ختم کرنےکی کوشش کی جا رہی ہے۔