شارع فیصل پرواٹرٹینکر،لوڈنگ گاڑیوں اور رکشوں کے داخلے پر پابندی

کراچی: ڈی آئی جی ٹریفک نے شارع فیصل پر واٹر ٹینکرز اور لوڈنگ گاڑیوں سمیت رکشوں کے داخلے پر پابندی لگادی۔

ڈی آئی جی ٹریفک کراچی نے شہر کی مصروف ترین شاہراہ شارع فیصل پر واٹرٹینکرز اور لوڈنگ گاڑیوں سمیت رکشوں کے داخلے پر پابندی لگادی ہے جس کا اطلاق پیر سے ہوگا۔

ڈی آئی جی ٹریفک امیر شیخ کا کہنا ہے کہ رکشے، واٹرٹینکر اور لوڈنگ گاڑیاں ٹریفک کی روانی متاثر کرتے ہیں اس لیے اب شارع فیصل پر لوڈنگ گاڑیاں، واٹرٹینکر اور رکشے نہیں آسکیں گے۔ انہوں نے بتایا کہ شارع فیصل پر بسوں، موٹرسائیکلوں اور دیگر گاڑیوں کے لیے الگ لائنز بنائی جائیں گے۔